Vəliyevlə Xavaca hərbi əlaqələrin miqyasını müzakirə ediblər

Pakistanda rəsmi səfərdə olan Azərbaycan Silahlı Qüvvələrinin Baş Qərargah rəisi Kərim Vəliyev bu ölkənin müdafiə naziri Asif Məhəmməd Xavaca ilə görüşüb.

Müdafiə Nazirliyinin mətbuat xidməti bildirib ki, görüşdə iki ölkə arasında hərbi əlaqələrin genişləndirilməsi məsələləri müzakirə olunub.

Pakistanlı nazirin sözlərinə görə, "Azərbaycan və Pakistanın yerləşdiyi regionlarda yaranmış vəziyyət və yeni çağırışlar ikitərəfli hərbi əməkdaşlığın möhkəmləndirilməsini zəruri edir”.

O, həmçinin iki ölkə ordularının döyüş qabiliyyətinin artırılmasının və təcrübə mübadiləsinin vacibliyini vurğulayıb.

Tərəflər birgə təlimlərin keçirilməsi, müdafiə sənayesində əməkdaşlıq, hərbi və hərbi-texniki əməkdaşlığın genişləndirilməsi məsələlərini müzakirə ediblər.

Bundan sonra Kərim Vəliyev Pakistan xüsusi xidmət diviziyasının bazasına baş çəkib və bu elit hərbi birləşmə ilə tanış olub.

Becan.az