ABŞ DD: "Qubad İbadoğlunun həbsini "yaxından İzləyirik"" - VİDEO

ABŞ bazar ertəsi Azərbaycanda müxalifət partiyasının sədri Qubad İbadoğlunun həbsini yaxından izlədiyini bildirib. Bu barədə "Turan.az"-ın Vaşinqton müxbiri xəbər verib.

"Biz Qubad İbadoğlunun həbsini yaxından izləyirik... Birləşmiş Ştatlar insan hüquqlarına və əsas azadlıqlara hörmətin artırılmasına qətiyyətlə sadiq qalır", - Dövlət Departamentinin sözçüsü Metyu Miller gündəlik mətbuat brifinqində müxbirin suallarını cavablandırarkən deyib.

“Biz Azərbaycanı öz vətəndaşlarının, o cümlədən, Qubad İbadoğlunun Azərbaycanın konstitusiyasına və beynəlxalq öhdəliklərinə uyğun olaraq insan hüquqlarını və əsas azadlıqlarını qorumağa çağırırıq”, - Miller əlavə edib.

Bildiririk ki, Azərbaycan Demokratiya və Rifah Partiyasının sədri, nüfuzlu iqtisadçı alim (bu yaxınlarda ABŞ-ın Rutgers Universitetində çalışıb) Qubad İbadoğlu iyulun 23-də onun Bakıda yaşamadığı mənzilindən polisin 40 min dollarlıq saxta əskinaslar tapdığı iddiasından sonra saxlanılıb. Ailəsi bu pulların İbadoğluya aid olmadiğını bildirib.

Xatırladaq ki, uzun illər xaricə getdikdən sonra bu yaxınlarda Azərbaycana qayıdan İbadoğlu ötən ay mühacirətdə olan bir neçə aparıcı azərbaycanlı siyasətçi və fəalla birlikdə Londonda Azərbaycan Gənclərinin Təhsil Fondunun yaradıldığını elan edib.

Qeyd edək ki, Azərbaycan hökuməti onu həm də Fəthullah Gülənin terror təşkilatı ilə əlaqədə ittiham edib.