"Əlabbas" Saray direktoru oldu
Mədəniyyət
11:38
25.11.2023
910
Paytaxtın ən böyük səhnəsi olan Heydər Əliyev Sarayının direktoru vəzifəsinə yeni təyinat olub.
Məlumata görə, mədəniyyət naziri Adil Kərimlinin müvafiq əmrinə əsasən, İlham Zakir oğlu Qasımov Heydər Əliyev Sarayının direktoru təyin edilib.
İlham Qasımov 1977-ci ildə anadan olub. 1998-ci ildə Azərbaycan Texniki Universitetini bitirib.
1992–1996-cı illərdə “Şən və Hazırcavablar Klubu”nun (ŞHK) üzvü olub. 1994–1995-ci illərdə ŞHK-nin universitetlərarası çempionatında qalib adını qazanıb.
İ.Qasımov 1999–2000-ci illərdə ABA TV-də (Azerbaijan Brodcasting Agency) layihə müəllifi, rejissor və aparıcı vəzifələrində çalışıb. 2000-ci ildən etibarən müxtəlif televiziya layihələri, teatral quruluşlar, konsert proqramları və reklam filmləri layihələrini həyata keçirib.
Qeyd edək ki, müstəqillik illərində çəkilmiş "Yuxu" filminin baş və sevilən "Əlabbas" obrazını da İlham Qasımov canlandırıb.
Becan.az
Oxşar xəbərlər
