Ağsunun kəndlərində qazın verilişində niyə tez-tez fasilə yaranır?..
Sosial / Bölgə / Manşet
20:25
14.12.2023
2 373
Qaz işçiləri sayğacların üzərindəki tənzimləyiciləri hansı səbəbdən söküb aparıblar?..
Ağsu rayonunun kəndlərində mavi yanacaq fasilələrlə verilir. Havaların soyuq keçməsinə baxmayaraq, Ağsu Regional Qaz İstismar İdarəsinin (RQİİ) Ağsu Xidmət Sahəsinin (XS) əməkdaşları bu gün də abonentlərə qazın verilişində böhran yaşadıb.
Bu məzmunda Becan.az saytına Ağsu rayonunun Bico kənd sakinləri məlumat veriblər.
Məlumatda bildirilir ki, kəndlərdə mavi yanacağın verilişində vaxtaşırı, həm də əhaliyə informasiya verilmədən, böyük fasilələr yaranır. Sakinlərin bildirdiklərinə görə, bu gün belə hal yenidən yaşanıb. Belə ki, dekabrın 14-də, heç bir xəbərdarlıq edilmədən, Bico kəndində qazın verilişi səhər saatlarında qəflətən kəsilib. “104” qaynar xəttinə zəng edən sakinlərə cavab verilib ki, xətdə sızma var, yarım saata qazın verilişi bərpa ediləcək, lakin qazın bərpası günün ikinci yarısında baş tutub.
Sözügedən kəndin abonentlərinin verdikləri məlumata görə, dekabrın soyuq günlərində Ağsu RQİİ-nin XS-nin bu sayaq əməlləri başadüşülən deyil:
“Yaz-yay aylarında da qazın təminatında problemlər yaşanır. Başa düşürük ki, hərdən texniki baxış keçirilməli, ehtiyac olan hissələrdə təmir işləri aparılmalıdır, ancaq texniki baxış günlərindən kənar vaxtlarda da qazlar kəsilir axı... Bir də ki, isti havalarda xətlər yoxlanışdan keçirilirsə, soyuq qış günlərində magistral qaz xətlərində niyə sızmalar baş verməlidir?..”.
Sakinlər müraciətdə başqa bir mövzu ilə bağlı da qaz işçilərinin əməlinə diqqət çəkiblər. Söhbət sayğacların üzərində quraşdırılmış qaz tənzimləyicilərinin sökülüb aparılmasından gedir:
“Ağsu Qaz İdarəsinin əməkdaşları bu yaxınlarda sayğacların üstündə quraşdırılmış requlyatorları (tənzimləyiciləri) söküb apardılar. Onsuz da qazın təzyiqi az olduğundan əhali tənzimləyicinin klapan düyməsini məcburən çöplə sıxıb saxlayırdı ki, evlərə qaz getsin. Ağsunun qaz işçiləri çarəni tənzimləyiciləri söküb aparmaqda gördülər. İndi xətdə olan qaz birbaşa sayğaclara, ordan da evlərə daxil olur. Daha qaz çox gəldi, az gəldi, hava gəldi, - dəxli yoxdu, sayğac öz yazmağındadır. Bayaqdan qaz kəsilib təzədən veriləndə xətdə vurulan havanı tənzimləyici nizamlayırdı, indi 20-30 dəqiqə qazın havasını çıxardırıq. Nəticədə, sayğaclar boş-boşuna pul yazır. Hələ tənzimləyiciləri söküb çıxardarkən bir həftə, on gün ərzində hər gün qazları səhər kəsib, axşamüstü qoşdular, ara yerdə sayğaclarımız boş hava sayəsində bizə nə qədər ziyan vurdu...”.
Becan.az saytı olaraq, müraciətdə qaldırılan problemlərlə bağlı Ağsu RQİİ Ağsu XS-nin rəisi Həbib Quliyevlə əlaqə saxladıq. H.Quliyev, sadəcə, dekabrın 14-də mavi yanacağın verilişində yaranmış fasiləyə açıqlama gətirdi, tənzimləyicilərlə bağlı sual isə cavabsız qaldı. H.Quliyevin açıqlamasını olduğu kimi təqdim edirik:
“Ağsu rayonunun Çaparlı kənd sakini Qənbərov Nemət Qənimət oğlu tərəfindən Azəriqaz İstehsalat Birliyinin baş direktoru cənab Ruslan Əliyevə ünvanlanmış müraciətə cavab olaraq bildiririk ki, Ağsu QPS-dən qidalanan D-273 mm-lik orta təzyiqli Bağırlı xəttinin Ağsu çayı üzərindən keçən hissəsi gərilmə nəticəsində deformasiyaya uğradığından qaz xəttinin qaynaq birləşmələrində qaz sızması baş vermişdir. Həmin hissələrdən qaz xəttinin qırılma təhlükəsi olduğu üçün təxirə salınmadan müvafiq tədbirlərin görülməsi zərurəti yaranmışdır. Ona görə də, 17 kəndi əhatə edən 3159 abonentin qaz təminatı dayandırılaraq qaz xəttinin həmin hissəsində zəruri təmir işləri aparılmış və qaz təminatı bərpa edilmişdir”.
Cavabdan görünür ki, Çaparlı kənd sakininin müraciətinə əsasən, Ağsu RQİİ-nin Ağsu XS-nin əməkdaşları dekabrın 14-də Ağsuçay üzərindən keçən magistral qaz xəttinin sızan hissəsini təmir ediblər. Məlumat üçün bildirək ki, Çaparlı kəndi Ağsuçaydan kilometrlərlə məsafədə yerləşir.
Becan.az
Ağsu rayonunun kəndlərində mavi yanacaq fasilələrlə verilir. Havaların soyuq keçməsinə baxmayaraq, Ağsu Regional Qaz İstismar İdarəsinin (RQİİ) Ağsu Xidmət Sahəsinin (XS) əməkdaşları bu gün də abonentlərə qazın verilişində böhran yaşadıb.
Bu məzmunda Becan.az saytına Ağsu rayonunun Bico kənd sakinləri məlumat veriblər.
Məlumatda bildirilir ki, kəndlərdə mavi yanacağın verilişində vaxtaşırı, həm də əhaliyə informasiya verilmədən, böyük fasilələr yaranır. Sakinlərin bildirdiklərinə görə, bu gün belə hal yenidən yaşanıb. Belə ki, dekabrın 14-də, heç bir xəbərdarlıq edilmədən, Bico kəndində qazın verilişi səhər saatlarında qəflətən kəsilib. “104” qaynar xəttinə zəng edən sakinlərə cavab verilib ki, xətdə sızma var, yarım saata qazın verilişi bərpa ediləcək, lakin qazın bərpası günün ikinci yarısında baş tutub.
Sözügedən kəndin abonentlərinin verdikləri məlumata görə, dekabrın soyuq günlərində Ağsu RQİİ-nin XS-nin bu sayaq əməlləri başadüşülən deyil:
“Yaz-yay aylarında da qazın təminatında problemlər yaşanır. Başa düşürük ki, hərdən texniki baxış keçirilməli, ehtiyac olan hissələrdə təmir işləri aparılmalıdır, ancaq texniki baxış günlərindən kənar vaxtlarda da qazlar kəsilir axı... Bir də ki, isti havalarda xətlər yoxlanışdan keçirilirsə, soyuq qış günlərində magistral qaz xətlərində niyə sızmalar baş verməlidir?..”.
Sakinlər müraciətdə başqa bir mövzu ilə bağlı da qaz işçilərinin əməlinə diqqət çəkiblər. Söhbət sayğacların üzərində quraşdırılmış qaz tənzimləyicilərinin sökülüb aparılmasından gedir:
“Ağsu Qaz İdarəsinin əməkdaşları bu yaxınlarda sayğacların üstündə quraşdırılmış requlyatorları (tənzimləyiciləri) söküb apardılar. Onsuz da qazın təzyiqi az olduğundan əhali tənzimləyicinin klapan düyməsini məcburən çöplə sıxıb saxlayırdı ki, evlərə qaz getsin. Ağsunun qaz işçiləri çarəni tənzimləyiciləri söküb aparmaqda gördülər. İndi xətdə olan qaz birbaşa sayğaclara, ordan da evlərə daxil olur. Daha qaz çox gəldi, az gəldi, hava gəldi, - dəxli yoxdu, sayğac öz yazmağındadır. Bayaqdan qaz kəsilib təzədən veriləndə xətdə vurulan havanı tənzimləyici nizamlayırdı, indi 20-30 dəqiqə qazın havasını çıxardırıq. Nəticədə, sayğaclar boş-boşuna pul yazır. Hələ tənzimləyiciləri söküb çıxardarkən bir həftə, on gün ərzində hər gün qazları səhər kəsib, axşamüstü qoşdular, ara yerdə sayğaclarımız boş hava sayəsində bizə nə qədər ziyan vurdu...”.
Becan.az saytı olaraq, müraciətdə qaldırılan problemlərlə bağlı Ağsu RQİİ Ağsu XS-nin rəisi Həbib Quliyevlə əlaqə saxladıq. H.Quliyev, sadəcə, dekabrın 14-də mavi yanacağın verilişində yaranmış fasiləyə açıqlama gətirdi, tənzimləyicilərlə bağlı sual isə cavabsız qaldı. H.Quliyevin açıqlamasını olduğu kimi təqdim edirik:
“Ağsu rayonunun Çaparlı kənd sakini Qənbərov Nemət Qənimət oğlu tərəfindən Azəriqaz İstehsalat Birliyinin baş direktoru cənab Ruslan Əliyevə ünvanlanmış müraciətə cavab olaraq bildiririk ki, Ağsu QPS-dən qidalanan D-273 mm-lik orta təzyiqli Bağırlı xəttinin Ağsu çayı üzərindən keçən hissəsi gərilmə nəticəsində deformasiyaya uğradığından qaz xəttinin qaynaq birləşmələrində qaz sızması baş vermişdir. Həmin hissələrdən qaz xəttinin qırılma təhlükəsi olduğu üçün təxirə salınmadan müvafiq tədbirlərin görülməsi zərurəti yaranmışdır. Ona görə də, 17 kəndi əhatə edən 3159 abonentin qaz təminatı dayandırılaraq qaz xəttinin həmin hissəsində zəruri təmir işləri aparılmış və qaz təminatı bərpa edilmişdir”.
Cavabdan görünür ki, Çaparlı kənd sakininin müraciətinə əsasən, Ağsu RQİİ-nin Ağsu XS-nin əməkdaşları dekabrın 14-də Ağsuçay üzərindən keçən magistral qaz xəttinin sızan hissəsini təmir ediblər. Məlumat üçün bildirək ki, Çaparlı kəndi Ağsuçaydan kilometrlərlə məsafədə yerləşir.
Becan.az
Oxşar xəbərlər
{sape_links}