Roma Papası məhbus qadınların ayaqlarını öpdü

Roma Katolik Kilsəsinin rəhbəri Papa Fransisk katoliklərin bu həftəsonu qeyd etməyə hazırlaşdıqları Pasxa mərasimləri çərçivəsində ənənəvi ayaqyuma ayinini icra edib.

Xəbərə görə, dini mərasim Romada olan qadın həbsxanasında baş tutub.

Papa müxtəlif ölkələrdən olan 12 qadın məhbusun ayaqlarını yuyub.

Qeyd edək ki, xristian inancına görə çarmıxa çəkilməmişdən bir gün öncə 12 həvarisinin ayaqlarını yuyan İsa peyğəmbər sevgi və təvazökarlığa önəm verib. Katolik kilsəsi də bunu rituala çevirib.

Becan.az