Çətin günün dostu - TÜRKİYƏ

Türkiyə Tatarıstan üçün strateji tərəfdaşdır.

Xəbər verilir ki, bunu Tatarıstan rəhbəri Rüstəm Minnixanov “CNN Türk”ə müsahibəsində deyib.

"Liderlərimiz Vladimir Putinlə Rəcəb Tayyib Ərdoğan strateji tərəfdaşlardır. Hər iki ölkənin öz maraqları var, amma əsas məsələlərdə fikirlərimiz sülh, yaradıcılıqdır”, - deyə, Minnixanov bildirib.

Minnixanov Türkiyə ilə Tatarıstan arasındakı münasibətlərin güclü və strateji tərəfdaşlıq çərçivəsində olduğunu qeyd edib:

“Çətin günlərdə kimin əsl dost olduğunu anlamaq olar. Türkiyə ölkəmizin əsl və strateji tərəfdaşıdır”.

Minnixanov Türkiyə ilə Tatarıstan arasındakı ticarət həcminin 2.9 milyard dollara çatdığını da vurğulayıb.