Göyçaydakı şəhid məzarının fotosuna Türkiyə səfiri dərhal reaksiya verdi - FOTO
Manşet / tarix / Hərb
18:32
22.11.2025
1 337
Jurnalist Nigar Ögedayın paylaşımı keçmişi yenidən canlandırdı
Türkiyədə yaşayan azərbaycanlı jurnalist Nigar Ögeday, X sosial şəbəkəsində bir izləyicisinin ona Göyçay rayonunun Yekəxana kəndindən göndərdiyi şəhid məzarının fotosunu paylaşaraq həm Azərbaycan, həm də Türkiyə tərəfdən rəsmi şəxsləri etiketləyib.
Jurnalist paylaşımında bildirib ki, 1918-ci ildə təkcə Bakı deyil, Azərbaycanın demək olar ki, bütün bölgələri ermənilərin vəhşi qətliamlarına məruz qalıb. O dönəmdə Osmanlı ordusu Azərbaycan xalqının imdadına yetişərək ölkəni işğaldan xilas edib. Ögedayın sözlərinə görə, bu gün içimizdəki türk düşmənlərinin Türkiyəyə nifrətinin səbəbi də məhz tarixin həmin həqiqətləridir.
Ögeday qeyd edib ki, şəkli ona Instagram üzərindən bir dostu göndərib və foto Göyçay rayonunun Yekəxana kəndində çəkilib. 1918-ci ildə, xüsusilə türk kəndlərini hədəf alan, ermənilər bu kənddə də ağır qətliamlar törədiblər.
Paylaşımda yer alan məzarın Qafqaz İslam Ordusunun bir əsgərinə aid olduğu bildirilir. Kənd sakinlərinin sözlərinə görə, burada üç Osmanlı əsgərinin məzarı var. Yerli əhali bu məzarları Sovet dönəmində belə, qoruyub, rusların dağıtmasına imkan verməyib — şəhidlərə sanki öz ailə üzvləri kimi sahib çıxıblar.
Jurnalist vurğulayıb ki, artıq bu məzarların daha ciddi şəkildə qorunmasına ehtiyac var:
“Məzarlıqların təmizlənməsi, abadlaşdırılması və bir anıta çevrilməsi vacibdir. Çünki bu məzarlar bizə həm tarixi, həm də milli yaddaşı xatırladan işıqdır.”
Nigar Ögeday yaxın günlərdə Türkiyədən mühüm bir heyətlə Azərbaycana səfər edəcəyini, müxtəlif görüşlərdə bu məsələni qaldırmağa çalışacağını bildirib. Lakin onun sözlərinə görə, 15 dekabradək — səfərindən əvvəl — bu işlə məşğul olacaq şəxslərin tapılmasına ümid edir.
O, Azərbaycanın bütün bölgələrində belə məzarların araşdırılıb tapılmasını və hər birinin ziyarət olunacaq anıt halına gətirilməsini vacib saydığını qeyd edib.
Sözügedən paylaşıma Türkiyənin Azərbaycandakı səfiri Birol Akgün dərhal reaksiya verib. Qardaş ölkənin Bakıdakı səfiri paylaşıma cavab olaraq yazıb:
“Səbirli olun, Nigar xanım. Məsələni dərhal nəzarətə götürürük. Bu foto, bu həftə bizə çatan ikinci şəhid məzarı məlumatıdır. Bütün ciddi məlumatları diqqətlə qiymətləndiririk. Sizə təşəkkür edirik.”
Jurnalist Nigar Ögeday səfirin duyarlılığı və sürətli reaksiyası müqabilində ona təşəkkür edib.
Becan.az
Türkiyədə yaşayan azərbaycanlı jurnalist Nigar Ögeday, X sosial şəbəkəsində bir izləyicisinin ona Göyçay rayonunun Yekəxana kəndindən göndərdiyi şəhid məzarının fotosunu paylaşaraq həm Azərbaycan, həm də Türkiyə tərəfdən rəsmi şəxsləri etiketləyib.
Jurnalist paylaşımında bildirib ki, 1918-ci ildə təkcə Bakı deyil, Azərbaycanın demək olar ki, bütün bölgələri ermənilərin vəhşi qətliamlarına məruz qalıb. O dönəmdə Osmanlı ordusu Azərbaycan xalqının imdadına yetişərək ölkəni işğaldan xilas edib. Ögedayın sözlərinə görə, bu gün içimizdəki türk düşmənlərinin Türkiyəyə nifrətinin səbəbi də məhz tarixin həmin həqiqətləridir.
Ögeday qeyd edib ki, şəkli ona Instagram üzərindən bir dostu göndərib və foto Göyçay rayonunun Yekəxana kəndində çəkilib. 1918-ci ildə, xüsusilə türk kəndlərini hədəf alan, ermənilər bu kənddə də ağır qətliamlar törədiblər.
Paylaşımda yer alan məzarın Qafqaz İslam Ordusunun bir əsgərinə aid olduğu bildirilir. Kənd sakinlərinin sözlərinə görə, burada üç Osmanlı əsgərinin məzarı var. Yerli əhali bu məzarları Sovet dönəmində belə, qoruyub, rusların dağıtmasına imkan verməyib — şəhidlərə sanki öz ailə üzvləri kimi sahib çıxıblar.
Jurnalist vurğulayıb ki, artıq bu məzarların daha ciddi şəkildə qorunmasına ehtiyac var:
“Məzarlıqların təmizlənməsi, abadlaşdırılması və bir anıta çevrilməsi vacibdir. Çünki bu məzarlar bizə həm tarixi, həm də milli yaddaşı xatırladan işıqdır.”
Nigar Ögeday yaxın günlərdə Türkiyədən mühüm bir heyətlə Azərbaycana səfər edəcəyini, müxtəlif görüşlərdə bu məsələni qaldırmağa çalışacağını bildirib. Lakin onun sözlərinə görə, 15 dekabradək — səfərindən əvvəl — bu işlə məşğul olacaq şəxslərin tapılmasına ümid edir.
O, Azərbaycanın bütün bölgələrində belə məzarların araşdırılıb tapılmasını və hər birinin ziyarət olunacaq anıt halına gətirilməsini vacib saydığını qeyd edib.
Sözügedən paylaşıma Türkiyənin Azərbaycandakı səfiri Birol Akgün dərhal reaksiya verib. Qardaş ölkənin Bakıdakı səfiri paylaşıma cavab olaraq yazıb:
“Səbirli olun, Nigar xanım. Məsələni dərhal nəzarətə götürürük. Bu foto, bu həftə bizə çatan ikinci şəhid məzarı məlumatıdır. Bütün ciddi məlumatları diqqətlə qiymətləndiririk. Sizə təşəkkür edirik.”
Jurnalist Nigar Ögeday səfirin duyarlılığı və sürətli reaksiyası müqabilində ona təşəkkür edib.
Becan.az
Oxşar xəbərlər
