Milli Qəhrəmanın bu gün 48 yaşı tamam olur

Milli Qəhrəman, General-Mayor, Şəhid Polad Həşimovun bu gün dünyaya gəlişindən 48 il ötür.

Polad Həşimov 1975-ci il, yanvarın 2-də Qəbələ rayonunun Vəndam kəndində anadan olub, sonradan ailəsi ilə birlikdə Sumqayıt şəhərinə köçüb. Orta təhsilini Sumqayıt şəhərində - əvvəlcə 28 nömrəli, sonra isə 34 nömrəli məktəbdə alıb.

O, Heydər Əliyev adına Ali Hərbi Məktəbi bitirərək, ali dərəcəli hərbçi olub.

General-mayor Polad Həşimov 2020-ci il, iyulun 14-də Tovuz istiqamətində baş verən şiddətli döyüşlər zamanı Ermənistan Silahlı Qüvvələrinin hücum cəhdinin qarşısını alarkən qəhrəmancasına şəhid olub.

Onun Şəhid olması xəbərini ictimaiyyətə Müdafiə nazirinin müavini, general-leytenant Kərim Vəliyev dərin hüznlə çatdırıb. İyulun 14-də general-mayor Polad Həşimovun nəşi əvvəlcə doğulduğu Qəbələ rayonunun Vəndam qəsəbəsinə, sonra isə yaşadığı Sumqayıt şəhərinə gətirilib. General iyulun 15-də II Fəxri Xiyabanda, polkovnik İlqar Mirzəyev ilə yanaşı dəfn olunub.
Ruhu şad olsun!
BECAN.AZ