Millətin Qəhrəmanları ölmür!

Zəmanəmizin hərbi və həqiqi qəhrəmanlarından biri - Şəhid-Milli Qəhrəman-general-mayor Polad Həşimovun bu gün doğum günüdür. İstedadlı yazarımız, dəyərli millət sevdalısı Rövşən Şiralıyev bir neçə cümlə ilə GENERALIMIZI aşağıdakı kimi qiymətləndirir:

Vaxtilə M.Ə.Rəsulzadə Üzeyir bəyin bədbin fikrinə qarşı çıxıb, deyirdi: "Savadsız mirzələrin içində bir Mirzə Fətəli, qaraguruh seyidlərin içində bir Seyid Əzim, fırıldaq baqqallarin içində bir Sabir varsa, bu millətin gələcəyi qaranlıq deyil, onun işıqlı bir gələcəyi var!.."
Eyni sözləri Polad Həşimov haqqında da demək olar. Bu qədər rüşvətxor, korrupsioner, cinayətkar, vətənə xəyanət edən generalların içində bir Polad Həşimov obrazı varsa, bu millət heç zaman yenilməyəcək! Polad Həşimov öz ömür yolu ilə milyonlarla gəncə vətənseverlik, qəhrəmanlıq, fədakarlıq, kişilik məktəbi nümunəsini qoyub getdi!
Ruhun şad olsun, BÖYÜK SƏRKƏRDƏ! Səninlə - zaman keçdikcə, bu Millət daha çox fəxr edəcək!!!

BECAN.AZ