Türkiyə Prezidenti dəstək göstərən ölkələrə təşəkkür edib

"Azərbaycan başda olmaqla, onun yanında İsrail, Səudiyyə Ərəbistanı, Qətər, Küveyt dəstəyini ifadə ediblər".

Bu fikri Türkiyə Prezidenti Rəcəb Tayyib Ərdoğan zəlzələdən daha çox zərər çəkən bölgələrdən biri - Hataydakı çıxışı zamanı deyib.

"Ümumilikdə 60-dan çox ölkədən Türkiyəyə yardımlar göndərilib. Telefon danışığı zamanı bizə dəstəyin davam etdirəcəklərini bildiriblər. Bütün dəstək verən ölkələrə millət adından təşəkkür edirəm. Axtarış-xilasetmə əməliyyatlarında 18 ölkə nümayəndələri iştirak edir... Proses davam edir. Hataydakı universitet xəstəxanası da artıq xəsarət alanları qəbul etməyə başlayacaq", - deyə, Ərdoğan bildirib.[/b]

Qeyd edək ki, son məlumatlara görə, Türkiyədə güclü zəlzələ nəticəsində ölənlərin sayı 9 057 nəfərə çatıb. Təbii fəlakət nəticəsində 52 979 nəfər yaralanıb.

Becan.az