"Bəxtiyarın durumu ürəyimi parçalayır" - ANASINDAN AÇIQLAMA
Cəmiyyət
19:43
25.02.2023
551
Penitensiar Xidmətin Müalicə müəssisəsində saxlanılan insan hüquqları fəalı Bəxtiyar Hacıyev 48 gündür aclığı davam etdirir. Onun səhhəti çox ağır olaraq qalır.
Bu barədə fevralın 25-də Bəxtiyar Hacıyevlə görüşdən sonra onun anası Solidə Mövlayeva "Amerikanın Səsi"nə deyib.
Ana oğlundan aclığı dayandırmağı, bədəninə sistem köçürülməsinə razılıq verməsini xahiş etdiyini bildirib.
“Lakin Bəxtiyar sonadək aclığı davam etdirəcəyində israrlı olduğunu dedi. Müalicə müəssisəsində ona qarşı münasibətin yaxşı olmadığını bildirdi. Dedi ki, 1 saylı Bakı İstintaq Təcridxanasına qaytarılsa, sistem köçürülməsinə razı ola bilər. Onun rəngi solğun idi, əlləri keyləşir, ayaq üstə dura bilmir, hədsiz arıqlayıb. Oğlumun durumu bir ana kimi ürəyimi parçalayır”, - deyə, o, qeyd edib.(Turan.az)
Oxşar xəbərlər
