İrandan Suriyaya silah ötürülüb

İran regionda ABŞ hərbçilərinə qarşı hücumlar həyata keçirmək üçün humanitar yardım adı altında Suriyaya gizli şəkildə silah tədarük edib.

“Report” xəbər verir ki, bu barədə “The Washington Post” Pentaqonun sızmış məxfi məlumatlarına istinadən yazıb.

“İran zəlzələdən sonra ABŞ əsgərlərini hədəfə almaq üçün yardımların arasında silah gizlədib”, - məlumatda deyilir.

Qeyd olunub ki, Tehran Dəməşqə döyüş sursatı, atıcı silahlar və dronlar ötürüb.

Eyni zamanda, belə tədarüklər barədə məlumatı İsrail Silahlı Qüvvələrinin nümayəndəsi də təsdiqləyib.