Ərdoğanın Qarabağdakı sülhməramlılarla bağlı açıqlaması Moskvanı narahat edib
Siyasət / Manşet
15:34
20.07.2023
646
"Rusiya sülhməramlıları üçtərəfli bəyanatlar əsasında Qarabağdadır. Türkiyə bu bəyanatların tərəfi deyil".
Rusiya KİV-i xəbər verir ki, bunu adıçəkilən ölkənin Xarici İşlər Nazirliyinin sözçüsü Mariya Zaxarova Türkiyə Prezidenti Rəcəb Tayyib Ərdoğanın bəyanatını şərh edərkən bildirib.
Zaxarova həmçinin Azərbaycan, Rusiya və Ermənistan xarici işlər nazirlərinin Moskvada görüşünün keçirilməsi üçün yaxşı şanslar olduğunu deyib:
"Mənə elə gəlir ki, şanslar çox yaxşıdır və hazırda belə bir görüş üzərində işləyən ekspertlərdən vaxtla bağlı konkret nəticə alan kimi bunu mütləq sizinlə paylaşacağıq".
Xatırladaq ki, Türkiyə Prezidenti Rəcəb Tayyib Ərdoğan NATO-nun Vilnüsdə keçirilən sammiti zamanı mətbuat konfransında Azərbaycan, Ermənistan və Rusiya liderləri arasında razılaşmaya əsasən, Rusiya sülhməramlı kontingentinin Qarabağda 2025-ci ilə qədər olacağını bildirib.
Becan.az
Oxşar xəbərlər
