Markov: "İsrail birə on əvəz çıxandan sonra dayanacaq"
Gündəm
11:38
19.10.2023
889
"İsrail quru əməliyyatı və HƏMAS-a qarşı mübarizə də daxil olmaqla, Qəzzada hərbi əməliyyatı daha bir neçə həftə davam etdirəcək. Və sonra dayanacaq, sakitləşəcək. İsrail üçün qisas almaq vacibdir. İsrail öldürülən yəhudilərdən 10 dəfə çox, yəni təxminən 15 min fələstinlini öldürdükdən sonra ABŞ və AB Təl-Əvivə təzyiq edəcək və onu hərbi əməliyyatı dayandırmağa məcbur edəcək. İsrail fələstinlilərə qarşı etnik təmizləmə apara bilməz, çünki 2 milyon fələstinlini nə Misir, nə İordaniya, nə də AB qəbul edir. 2 milyon insanı göndərmək üçün sadəcə heç bir yer yoxdur".
Xəbər verilir ki, bunu rusiyalı politoloq Sergey Markov deyib.
“İsrail Qəzzanı uzun müddət işğalda saxlaya bilməz, çünki partizan müharibəsini HƏMAS-a uduzacaq və bunu bilir. ABŞ böyük müharibə istəmir, ondan qorxur. Vaşinqton İraq və Əfqanıstandan sonra qoşun göndərməkdən çəkinir. İran da İsraillə müharibədən qorxur, çünki İsrailin nüvə silahı var.
Ərəb ölkələri Fələstin böhranını sakitləşdirmək istəyir, çünki bu, islamçı radikalları küçədə qızışdırır və HƏMAS kimi radikallar bəzi hökumətləri devirə bilər. Ərəb monarxiyalarının və Misirin maraqları naminə HƏMAS məhv ediləcək. Buna görə də İsrail bir neçə həftə Qəzza zolağının bombalanmasına və təmizlənməsinə davam edəcək. Bu, bir neçə min HƏMAS yaraqlısını və 10 min dinc fələstinlini öldürəcək. Və hər şey bitəcək. Böyük müharibə olmayacaq”, - deyə, o, bildirib.
Becan.az
Oxşar xəbərlər
