Aprel şəhidi Toğrul Fərəczadənin anım günü

2016-cı ilin zəfər tariximizə cevrilmiş Aprel döyüşlərindən 8 il ötür.

Becan.az xəbər verir ki, 2016-cı ilin 9 aprelində Şəhid Fərəczadə Toğrul Habil oğlu uğrunda canını verdiyi torpağa əbədi olaraq qovuşub.

Toğrul Fərəczadə 1993-cü ildə Bico kəndində anadan olub, amma adını Ağsu rayonundan yeganə aprel Şəhidi kimi Azərbaycanın qəhrəmanlıq tarixinə yazdırıb...

8 ildi Togrulun dogmalarının göz yaşları qurumur, həm də 8 ildi təkcə Bico, Ağsu yox, bütün Azərbaycan Şəhid övladıyla fəxr, qürur duyur. Məlum Aprel döyüşlərində Toğrulla bərabər, neçə-neçə Azərbaycanın igid hərbçiləri Vətən uğrunda canlarını fəda etdilər. Hamısının ruhu, eləcə də onları böyüdən valideynlərin və torpağın qarşısında baş əyirik.

Aprel döyüşləri zəfər tariximizin yenidən başlanğıcı olaraq, Qarabağın qayıdış başlanğıcı oldu.

Bu gün, 9 aprel günündə yenə Bico kənd camaatı Toğrulun doğulub boya-başa çatdığı həyətə - Şəhid ocagına yığışıb. Toğrulun valideynlərinə - Habil kişiyə, Bəhruzə xanıma təskinlik, səbr və başsağlığı verilib. Toğrulun timsalında, bütün Şəhidlərimizin ruhuna dualar oxunub. Sonra Şəhidimizin məzarı ziyarət olunub. Məzarın üzərinə gül dəstələri qoyulub. Müxtəlif çıxışlar olub. Çıxışlarda Şəhid məzarlarının ziyarətgaha, gənclərimizin and yerine çevrilməsi xüsusilə vurğulanıb, vətənpərvərlik ruhunun daha da artırılması baxımından valideynlərə çağırışlar olub.

Daha sonra, yenidən Toğrulun böyüdüyü həyətdə ziyarət toplantısı davam edib.

Qeyd edək ki, Bico kəndi Qarabağ savaşlarında 6 Şəhid verib, - Fərrux Səfərov, Rauf Mahmudov, Sənan Səfərov, Toğrul Fərəczadə, Rövşən Nurzadə, Fərid Şamilov.

Bütün Şəhidlərimizin ruhunu hörmətlə anaraq, Allahdan onlara rəhmət diləyirik!