Xəstəxana direktorunun rüşvət şəbəkəsi

"TƏBİB-in kənd rayon xəstəxanalarına təyin etdiyi direktorun RÜŞVƏT ŞƏBƏKƏSİ" - Tapdıq Abbas

Yenixeber.org: Bu haqda "Paralel" qəzetinin baş redaktoru Tapdıq Abbas FB səhifəsində yazıb:

"TƏBİB yaradılanda xalq sevindi ki, nəhayət, Azərbaycanda da tibbi sığorta işləyəcək! Ölkə səhiyyəsində iki hakimiyyətlilik yaranıb. Bir teletamaşada deyildiyi kimi: "Şap elə bilir pul Şupdadır, "Şup elə bilir Şapdadır!..". TƏBİB xəstəxanalara direktor təyinatına başladı, nə başladı - bütün xəstəxanalara yüksək rəqəmli rüşvətlə təyinat apardı. Qəflətən V.Bayramlı vəzifədən qovuldu. Camaat elə bildi ki, sədr V.Bayramlı rüşvətin qurbanı oldu. Millət belə düşündü ki, TƏBİB-ə təyin olunacaq yeni sədr, yəqin ki, rüşvətin ağını çıxarmayacaq, səbəbini açacaq. Amma vəzifəyə sədr əvəzi kimi gələn Vüqar Qurbanov, qısa müddətdə TƏBİB-də rüşvət bumunu rüşvət tufanına çevirdi və indi hamı Vüqar Bayramlının ölülərinə rəhmət oxuyur!

Əgər qeydimə şübhə edən varsa, TƏBİB-in təyin etdiyi direktorların fəaliyyət göstərdiyi xəstəxanaya təşrif buyursun, şahid olsun!

Kənd RMX-in direktoru TƏBİB-dən aldığı mühafizəçi ştatını satır: bir ştatın rüşvət qiyməti 5 min manat - 40 ştat; sanitar ştatı - birinin rüşvət qiyməti 3 min manat - 500 ştat; Təcili Tibbi Yardım maşınlarının sürücülük ştatı - bir yerin rüşvət qiyməti 9-10 min manat; doğum şöbəsində həkim-akuşerka - 3 ştat - ditektor hər birindən ilə 10 min manat rüşvət alır; müqavilə ilə işləyən həkimdən hər il üçün, - hər aya bölünməklə, - direktora 10 min manat rüşvət vermək tələb olunur... Direktorun rüşvət şəbəkəsinin sırası bununla bitmir, tükənmir...".

Becan.az: Qeyd edək ki, yazıda Tapdıq Abbas söhbətin konkret hansı xəstəxanadan getdiyini və direktorun adını açıqlamır. "TƏBİB... bütün xəstəxanalara yüksək rəqəmli rüşvətlə təyinat apardı," - cümləsindən belə başa düşülür ki, müəllif sadaladığı rüşvət halını TƏBİB-in balansında olan bütün xəstəxanalara şamil edir.

Qarşı tərəfin mövqeyini dinləməyə hazırıq.