"İranın parçalanması layihəsi 2025-ci ildə başa çatmalıdır”
Siyasət
10:59
13.10.2023
714
“Hazırda İsrail öz təhlükəsizliyi ilə bağlı məsələləri icra edir. Məqsəd Qəzza məsələsinə son qoymaqdır. 1972-ci ildən bəri HƏMAS və digər terror qrupları İsrailə problemlər yaradırdı. Ona görə də İsrail üçün beynəlxalq mexanizmin yaradılması vacib idi. Bu dəfə məsələ kökündən həll ediləcək”.
Bu fikirləri politoloq Cümşüd Nuriyev deyib.
Onun sözlərinə görə, bu günə kimi Fələstin-İsrail problemini ortaya çıxaran İran və “ASALA” erməni terror təşkilatı olub. İsrail Qəzza problemini həll etdikdən sonra proseslərin Cənubi Qafqaza deyil, İrana sıçraması ehtimalı var:
“İran bir qədər də artıq-əskik davransa, ABŞ-ın donanması Aralıq dənizinin Qərb sahillərindədir, istənilən vaxt İranı vura bilər. Çünki ABŞ-ın İranı parçalamaq layihəsi 2025-ci ildə başa çatmalıdır. Ona görə də, hadisələrin öncədən proqnozlaşdırılmadığını demək o qədər də məntiqli görünmür”.
Becan.az
Oxşar xəbərlər
