İslam dininin şərtləri - 5 VACİBAT

Əssələmun-aleykum!

İslam hər kəsə məlum olan, ən geniş yayılmış səmavi dinlərdəndir. Dinin əsas prinsipi tək olan Allaha iman etmək və Onu ibadətlərdə təkləşdirməkdir. Bütün Peyğəmbərləri bu vəsilə ilə göndərən Allah sonuncu Peyğəmbər Muhammədul-Mustafanı da insanları şərik qoşduqları daşlardan və ağaclardan hazırlanmış “ilah”lara deyil tək olan və bənzəri olmayan Allaha ibadət etməyə çağırmaq üçün seçmişdir.
İslam dinin əsas şərtləri beşdir. Bunlar:

- Kəlmeyi şəhadəti iqrar etmək;

- Namaz qılmaq;

- Ramazan ayında Oruc tutmaq;

- Zəkat vermək;

- İmkanın olduqda Həcc etməkdir.

Kəlmeyi şəhadət dedikdə – “Əşhədu ən lə iləhə iləllah və əşhədu ənnə Muhammədən rasulullah” kəlməsi nəzərdə tutulur.
Namaz qılmaq dedikdə - Allahın Qurani-Kərimin bir çox yerlərində vaxtları ilə bildirdiyi “Namaz qılın!” əmri nəzərdə tutulur.
Ramazan ayında oruc tutmaq isə, məlum olduğu kimi, Allahın Qurani-Kərimdə üzürü olmayan kəslərə əmr etdiyi bir vacibdir.
Zəkat vermək – Mal-mülkü olan və şəriətlə müəyyən edilmiş miqdara çatan kəslərə aiddir.
Həcc etmək – Bu da Allahu-təalənin rəhməti ilə bunu həm fiziki, həm də maddi cəhətdən imkanı olan müsəlmanlar etməlidir...

Növbəti yazılarımızda bu mövzulara daha ətraflı şəkildə toxunacağıq.
Allahu-təalə bizi oxuyub faydalananlardan etsin, amin!

T.Saklı
Becan.az